• 【盈遊德國】紫盈BB闖國際峰會 巧遇慕尼黑怪物聖誕
  • 2016-12-27    

 

盈遊世界,我黃紫盈今次就去到德國,同大家過一個凍冰冰嘅聖誕。

今次嚟德國,我係有一個重要任務;就係代表香港出席慕尼黑旅遊業國際峰會。來自150個國家代表,一齊喺會上交流推廣旅遊嘅心得,仲有機會識到外國嘅旅遊達人,真係學到唔少嘢。

開完會梗係要盈遊一下,趁住咁好陽光,散步去附近的博物館認識巴伐利亞的歷史和建築。

12月嘅慕尼黑已經充滿聖誕氣氛,街頭巷尾都掛滿聖誕裝飾,我第一時間梗係去聖誕市集,感受一下喇!

德國嘅聖誕市集真係好熱鬧,啲公仔係咪好靚好有特色呢,市集裏面仲有得飲有得食,行足一日,都可能行唔完,何況慕尼黑仲唔止一個聖誕市集添!

當地每年都會舉行聖誕巡遊,呢啲咁古怪嘅打扮,其實係一種傳統服飾,全部用動物皮嚟製造,戴上嚇人面具同牛鈴喺市集巡遊,佢哋嘅目的就唔係嚇人,而係為人帶來好運。

下一集,盈遊世界會去到渡假勝地泰根塞,一齊感受德國人的歡樂氣氛。