• 浴室嬉春多Cap圖》水乳交融正呀喂 ! 黃翠如赤裸激戰蕭正楠
  • 2016-12-01    

 

【新增影片】

《幕後玩家》今晚嚟個戲肉,真係有肉睇,仲要搞到一班網民同師奶睇到個心肝卜卜跳! 因為黃翠如同蕭正楠喺戲入面赤裸裸咁喺浴室嬉春,畫面不知幾大膽,加上二人又係真情侶,想像空間更加係無限放大。

最近蕭正楠飾演嘅汐然同黃翠如飾演嘅顧成雙婚姻出現問題,蕭正楠當然好心痛啦! 不過,老婆個心已經去咗黃宗澤到,蕭正楠最近都好唔開心。今集就講到佢哋二人一齊去到南生圍,重拾昔日歡樂時光,踩下單車、釣魚、野餐,睇落都好Pure 好True。不過,鏡頭一轉入室內,蕭正楠就赤裸上半身沖涼,黃翠如亦都疑似全裸入鏡。

不過,浴室太高溫,有蒸氣遮一遮。之後就埋牙肉搏,二人不知咀得幾咁如癡如醉,完全進入無人之境咁。真係睇到唔少人面紅耳熱!

歡樂過後,黃翠如都係擺低咗隻戒指離開蕭正楠。蕭正楠亦都眼紅紅打俾翠如,點知最後都係要離婚收場。原來黃翠如都係想留返個美好回憶俾大家,睇到呢度,唔少師奶都替蕭正楠陰公豬。

話時話,佢哋兩個拍呢場戲唔知係咪一take過呢?