• 【豪語錄】奀皮網民翻啅《喜氣洋洋》鄭國江:係我最大的reward
  • 2016-08-26    

 

《喜氣洋洋》是1978年的作品,如今流行更勝當年,由網絡唱到街頭。鄭國江雖 然從不上網,也知群情洶湧:「好笑,呢首歌,我哋羊年已經唱到夠晒。估唔到猴年都仲有得唱!開心o架,呢個係我最大的reward。」立法會選舉過後,特 首選舉將至,香港人多希望歌聲可奔放到雞年,「所以話首歌好命。踩人又《喜氣洋洋》、恭喜人又《喜氣洋洋》,變咗一首好百搭、好奀皮嘅歌。我都莫名其妙。」

他的老歌被翻啅,也不是第一次。半生為人師表的鄭Sir, 怎會寫出情慾斟到瀉的《熱咖啡》?「我成日講,歌曲有本身的命運。《熱咖啡》冇人理的。後來阿姐整對魚網襪、喺個咖啡杯跳出嚟,先至成為經典。首歌好彩, 帶挈埋我。」九四年,大台台慶,當時汪明荃已經四十有七,忽然高衩踢腿,古天樂、鄭伊健等猛男在後面挹挹揚揚,令鄭國江大開眼界:「好震驚。」


咖啡本單純。七八年,他首次為徐小鳳寫歌,「佢俾我印象,係個好成熟的歌手。我諗起《何日君再來》,整啲小菜、留你喺度嗰種。小鳳姐打來:『鄭老師,我唔啱唱呢啲情情塔塔嘅歌。』結果寫咗較中性的《風雨同路》。但個意念仲喺腦內,就寫俾阿姐,斟杯茶,留住個朋友咁。」住家菜好傾未嫌 夜,也是始料不及。