• 城寨多肌佬》袁偉豪胸肌贏陳展鵬
    油冧冧伍允龍凌空腿靠威吔
  • 2016-08-12    

 

伍允龍嗰招凌空腿勁到呢!內有乾坤㗎!原來靠威吔。

《城寨英雄》,陳展鵬、袁偉豪、伍允龍個個搽晒油騷肌,打到七彩。咁三個男主角中,男一嘅陳展鵬就下下都要剝衫露肌肉。唔怪得佢話面對其餘兩個大隻佬有壓力,要狂做健身同踩單車操fit至得。

至於袁偉豪,話晒港男出身。成日跑步,又操開,胸肌贏展鵬一個馬鼻。雖然佢喺套劇好斯文,成日着住長衫同老西打架,不過,都安排咗場換衫戲俾佢發揮,唔會嘥咗佢副胸肌。

講大隻,食過夜粥嘅伍允龍贏晒,睇吓佢嗰排朱古力。所以啲高難度嘅動作都係靠佢囉,嗰啲飛腿犀利過超人。不過唔係下下都出真功夫嘅,有時都要靠威也幫幫手㗎。