• 港獨青年系列》科大生撐港獨:為救香港 死有何懼
  • 2016-08-09    

 

林衍希是科大學生,亦是科大行動召集人,黃俊彥同為科大學生,是科大行動外務副主席。他們憶述,曾以香港公平、公正、公開嘅司法制度為傲,但今時今日,法治已經變成人治。他們都認為,若繼續任由中共魔爪干預香港,香港只會每況愈下。所以,他們想站出來,爭取擺脫中共管治,令香港變成有自己民主自由的地方。

作成支持港獨的大學生,他們決意要告訴政府,支持香港獨立的人不是少數,也希望向香港市民傳遞一個訊息──香港獨立可以是一條出路。獨立派於近年冒起,他們認為,現時第一步是要做好形象工程:「因為好多時獨立派都會俾人扣上激進嘅帽子。而上星期五香港民族黨嘅和平集會,就係要話俾人聽,支持香港獨立嘅人都好理性,而唔係淨係識衝。」

為了香港的前途,他們不怕死,他們所懼怕的,是香港人的民主自由被禠奪,生不如死。「任何國家嘅反政府抗爭運動,都一定會流血。而為咗香港嘅前途,我哋都十分願意犠牲。要叫晒所有人出嚟係好難,所以不如自己做先頭部隊……如果我哋被捕,甚至我哋嘅死,係可以感召到更多人出嚟抗爭,激發到更多人去拯救香港,何樂而不為?」

撰文:張馨文
攝錄:鄒潔珊