• 挑戰葉建源 中聯辦撐蔡若蓮

  • 發布日期:2016-07-06 08:00
    最後更新日期
    :2016-07-06 18:39

 

教育工作者聯會(教聯)副主席、福建中學(小西灣)校長蔡若蓮,搵咗程介南幫手做公關,上月底宣布以「獨立」身份參加立法會教育界選舉,挑戰有意角逐連任嘅教協副會長葉建源。

打「獨立」旗號嘅蔡若蓮,上月一連幾日接受新聞風格直逼《文匯報》嘅《星島日報》訪問,標題話佢認為課堂不應迴避六四,但內文係話佢唔鼓勵學生參加六四集會,因為參與政治活動須慎重處理,仲話「平反」只係政治口號。

由教聯捧起嘅蔡若蓮,同民建聯嘅李慧琼好相似,兩人一直避談敏感政治議題,塑造中立形象。不過,佢唔單只係教聯嘅董事,去年九月亦成立「香港教師夢想基金」,籌集咗超過二百萬元俾教師申請「追夢」計劃,捐款主要來自商界。最有趣係基金得到中聯辦旗下聯合出版集團嘅網媒「橙新聞」加持,商務印書館前總編輯喺橙新聞開blog大讚基金成就優良教育。得到西環力捧,教育界選民應該知道點投票。