• 鍾志光仔入亞視三小時out走 搞睇波團搵出路

  • 發布日期:2016-05-15 15:00

 

著名足球評述員鍾志光被人叫「鍾仔」已經幾十年,但原來真正的「鍾仔」,鍾行廉(Isaac)都已經廿二歲。一向想繼承父業的他,教院體育教練及管理副學士畢業後,沒有靠父親關係而加入大台,反而加入亞視,擔任本地甲一籃球聯賽評述。但當時亞視都已經「危危乎」,他坦言出場一集,整個節目就「被消失」:「一集十五分鐘,我破晒記錄錄咗三個鐘,錄完就叫我返去等吓,其實都知咩事啦!」

Isaac一向有意向體育界發展,讀書時曾加入福建、晉龍籃球隊擔任領隊助理,但奈何一直都是「零收入」。他指被亞視辭退後,很快便加入了東方球隊擔任領隊助理,終於有人工,但不久就心思思想創業:「有英超睇波團,我就諗點解只有足球,無籃球團,無其他。」最後他毅然辭職,與友人成立NBA睇波團,專情帶球迷到美國看高比拜仁退役前的球賽。

「睇波團」辦了兩次,Isaac因缺乏經驗,首次創業只能「白做」,後因意見不合而決定退股。自言投資不多的他又有「搞作」,最新目標就是辦體育學院:「會先搞遊學團,同兩位新partner夾咗一萬蚊左右,做起就開始籌備開學院。(咁少錢就做到?) 起步初期好多嘢都係試吓,細有細做姐。」他補充:「我做生意都唔係為咗賺錢,我希望做更多有教育意義嘅嘢。」轉做生意的他,卻沒有放棄「講波」,但話明不加入TVB:「可以是LETV 或者是viuTV。」

採訪:梁延宇

攝錄:林志謙 鄭樹清