• 翠如有米先兆 孖蕭正楠同居傢俬全包
  • 2016-04-15    

 

翠如爸爸黃永華炒股叻,令身家暴脹超過十億!其實翠如有米,一早已經有先兆架喇!

黃翠如爸爸土木工程公司《聯旺》(8217)喺星期二上市,股價不斷爆升,一日之內,翠如爸爸身家已經暴脹超過十億,認真之發!

爸爸咁識炒股,真係賺到盤滿缽滿,一早已經好有米嘅翠如BB雖然一直禾稈冚珍珠,但早喺舊年四月,翠如BB正式搬入男友蕭正楠荔景山莊寓所同居。為免眼冤,翠如BB更將男友同前度何傲芝同居時一齊用過嘅嘢全部掉清光,唔止大床電器,就連碗碟都一件不留。

翠如BB咁大手筆,自己畀晒錢換晒啲傢俬、電器,難怪當時男方完全無say啦,因為翠如換過間大屋、養埋佢都綽綽有餘呀!