• 《十年》膺最佳電影 竟然關陳奕迅事?
  • 2016-04-04    

  • 《十年》膺最佳電影 竟然關陳奕迅事?

 

今屆金像獎因《十年》入圍「最佳電影」被大陸封殺禁播,不過無緣觀賞頒獎禮嘅大陸網民,都可以用自己嘅方法提及金像獎同《十年》。有大陸網民直線抽擊,質問點解冇大陸傳媒安排直播(新聞連結 http://bit.ly/1S0Q7JS),曲線,就搬陳奕迅出嚟。

咪住,關Eason咩事呢?有高登巴打今日(4月4日)聲稱喺大陸網絡發現,有網民留言講呢啲:「恭喜陳奕迅《明年今日》的國語版榮獲最佳電影!」「萬萬沒想到,陳奕迅的《明年今日》國語版獲得了35屆金像獎最佳電影,廣電今晚這一禁直播捧得人家更紅了」。唔明呀?陳奕迅首《明年今日》嘅國語版,就係叫《十年》呀!夠曲線未?

強國網民見縫插針嘅功力真係唔睇得小,不過有得堂堂正正咁講《十年》個名就更好啦。