• 80後港男唔做EO 轉搞搵工App幫中佬
  • 2016-03-26    

 

以前人人都希望做政府工,但求收入穩定。但八十後既Ryan唔係咁諗,他三年前辭去月薪四萬幾蚊既政府行政主任(EO)工作,轉搞一個叫「樂活新中年」既app,專為五、六十歲的退休人士提供再就業、義工及活動資訊。一切由佢爸爸開始,他父親早年退休,休息一輪後已經嫌悶,但又介意去老人中心。

App除了像jobsDB般給中年搜查工作外,會員亦可將自己的簡介上載,方便僱主進行招募。現時app更見規模,如有討論區、專欄,更提供網上商店服務,吸引中年人做小生意。他表示建立公司後,發現不少上到中高層的中產在退休後仍想貢獻社會,但首要條件就是經驗能用得其所:「當中有室內設計師、大學教授,仲有誇國公司區域經理,佢哋首要目標唔係錢,做義工都唔緊要,但係要做較低技術職位就唔想。」

現時app已有過萬個登記用戶,每日活躍用戶有逾一千人。他的公司亦身為力行,善用這些重要人力資源:「依家公司有四個全職義工,都係退休人士,當中有做marketing,又有做job matching,我希望我哋係一個示範單位,俾外界知道佢哋嘅經驗係十分寶貴。」

Ryan指公司經科學園18個月的培育計劃後,現時搬到The Good Lab共用空間,下一個目標就是擁有自己的辦公室:「想喺港鐵附近工廈租二千呎左右嘅單位,方便班中年嚟搞活動。」由於沒有申請政府任何資助,公司收入暫時以保健、旅遊的廣告為主。他坦言自己收入比打政府工少八成,慶幸獲得太太支持:「大家都面對自己父母有依個情況,見到依家都做到啲成績,所以佢都好支持我!」

撰文:梁延宇

攝錄:鄭樹清