• 謝安琪懷孕生仔 拉張繼聰一齊道歉

  • 發布日期:2016-03-20 06:20
    最後更新日期
    :2016-03-21 11:56

 

謝安琪出道以嚟,最低潮嘅時候,莫過於07年宣布要生仔結婚,基督徒未婚懷孕,已經惹來唔少抨擊,如日方中嘅事業隨時玩完,但令阿Kay最擔心嘅反而係唔知點樣向公司交待。阿Kay話︰「當年嘅我覺得喺事業上,要放低一陣,要生小朋友,重新來過,我又唔算好大包袱。我最大的壓力,反而是同公司。因為公司始終都覺得呢個時間,不是心目中的時間,佢哋知道你大個女,有男朋友,想計劃結婚,是很自然的事。係人都會走這條路,但未必係想呢個時刻。」

阿Kay最感激環球嘅Duncan,因為當時Duncan知道阿Kay要結婚生小朋友,佢都冇怪過阿Kay,仲話無問題。之不過,令阿Kay覺得最對唔住嘅就有夏森美同周博賢。「我對住夏森美同周博賢,我真係要講對不起,因為事出突然,令到兩位的計劃受阻延。因為我們是細公司,一旦停頓,其實有很多東西需要協調。當時,我同另一半都一齊衷心道歉,令他們奔波,可能再計劃過,但係之後嘅路,我都會好努力,這是我對他們的承諾。」

謝安琪出道十年,上年先係佢第一次拍電視劇,教阿Kay做戲唔係老公張繼聰,而係白只。Kay話︰「佢喺我拍《殭》的時候,頭兩個月,佢都形影不離咁陪住我。每一天,我都好早開工,佢都睇熟劇本,來到我家同我對劇本,大家一齊諗下呢場戲可以點做。佢令到我第一次拍劇的信心,做得很充足,真係好多謝佢。」

提到白只同張繼聰一齊有份角逐金像獎男配角,喺呢個時候,阿Kay又投俾邊個? 「佢角逐呢個男配角,其實同張繼聰一齊鍊,但我都係投俾佢。當然,張繼聰都好好,佢都有份做評委,佢都自己投咗俾白只。」