• 波蘭嗰晚 長毛曾鈺成做過咩有得睇
  • 2016-03-15    

 

早排長毛喺立法會同曾鈺成講︰「主席,我同你去波蘭咁咁,有一晚,我飲完支伏特加,揸住個酒樽,打爛咗揈下揈下,『阿鈺成兄呀,你飲唔飲啫?』你梗係話飲啦,你驚我隊你啊嘛…...」成句說話,真係HEHE味濃,搞到大家都對佢哋兩個去波蘭發生過咩事都心思思。

呢一Pair立法會火花組合,點解會去波蘭先? 原來佢哋就幫ViuTV拍咗個真人騷《跟住矛盾去旅行‬》,話晒阿鈺成兄同長毛成日喺立法會上「打情罵俏」,梗係要預埋佢哋啦! 今日ViuTV喺facebook上載咗佢哋兩個去波蘭嘅宣傳片,短短兩個鐘已經超過6,000個Like!宣傳片入面,仲聽到唔少阿鈺成兄同長毛嘅肉麻對答,好似曾鈺成又喺車上面同長毛講:「你做聖誕老人,我做你隻鹿。」哇!

另外長毛喺香港機場同曾鈺成講:「你着得咁隨便,我仲似主席過你!」鏡頭一轉,曾鈺成就笑番長毛:「長毛仲姿整過女人!」真係好有愛呀! 搞到佢哋hehe故事喺網上不斷發酵,唔少網民仲話一定要開電視睇佢哋嘅波蘭之夜!