• 高級督察恐嚇陳巧文 警方拖6年冇答案
  • 2016-02-28    

 

○年網上警察討論區,有前高級督察公開留言恐嚇社運人士陳巧文,話:「要是老夫出手招呼他(她),他(她)便大件事了,分分鐘有BB……」,暗示要性侵對方;佔領期間無綫七警打人報導出街,一名黃姓警長喺學民思潮《破折號》專頁留言,話要將TVB記者「女姦男殺」。

呢兩單案似乎未有警員因恐嚇或不誠實使用電腦罪落網。究竟警員執法係咪偏私?警方終於有回覆。記者上星期就呢兩單案嘅調查進度向警方查詢,警方發言人連日來都話事件比較耐,要時間搵相關資料。

直至本週一回覆記者,話:「對於任何違法行為,不論涉案人的職業及背景,警方均會不偏不倚,公平公正地作出調查,有需要時會徵詢法律意見,以決定是否作出檢控。」但連係咪有開file調查都唔答,只係話冇補充,睇嚟警方對不偏不倚嘅定義同公眾所理解嘅都幾唔同。