• 蝗蟲?信和玩具店 狂晒Eva爆谷桶被插
  • 2016-01-19    

 

「關公災難」可以話不分國界,無分你我的。近日在環球影城限定期間舉辦的「Universal Cool Japan 2016」,最受歡迎活動的新世紀福音戰士4D影院,就開售了一款以初號機頭像設計的爆谷桶。由於是會場限定,加上發光功能,不少香港Fans都非常渴望想要一桶,紛紛求助於代購網站。

不過,有一些代購的玩具店就坐地起價,將原先分別賣3980日圓和2400日圓的爆谷桶和水樽(共6380日圓,約410元),賣680港元賺一筆。在商言商沒問題的,不過在信和一間玩具店,就post了一張「晒命照」上Facebook,引來嘩然。

只見他將近百個Eva爆谷桶放滿了兩張床上,並鋪滿了地毯,並指:「辛苦日本同事,今個星期尾應該可到齊,會有少量現貨發售,訂客價錢不變,但現貨要售$499了,因為限制數量令到成本大增。」

其實在會場內,本身已經是一人限買一個爆谷筒,可以得到過百頭令人費解。在post中留言要購買的人是有的,但不久便有人批評,「為左賺果(嗰)幾蚊可以去到幾盡,唔好話自己香港人,影衰晒」、「你係有心幫去唔到既(嘅)人訂,就買返個個數量啦,有無諗過去到又買唔到既(嘅)人既(嘅)感受?無,因為你只係諗到自己」、「勸幫襯買咗嘅人,以後唔好投訴人哋蝗蟲哪,因為你哋行為上同蝗蟲一啲分別都無!!」、「不用分得那麼細,大家都是蝗蟲。知唔知個醜字點寫?」

玩具店在短時間中,將批評留言盡數刪去,只留一句:「對不起,如有意見或問題,請用pm聯絡,這裏不太適宜用作討論,敬請見量(諒)。」